Мэдээ

Монгол Улсын Их сургуулийн Улс төр судлал, олон улсын харилцаа, нийтийн удирдлагын сургуулийн Улс төр судлалын тэнхимээс жил бүр эрхлэн гаргадаг Политологи эрдэм шинжилгээний сэтгүүлд өгүүлэл хүлээн авна.

Политологи эрдэм шинжилгээний сэтгүүл нийт 22 удаагийн цуврал дугаарыг гаргасан бөгөөд гадаад болон дотоодын эрдэм шинжилгээний байгууллага, их, дээд сургуулийн давхардсан тоогоор 562 эрдэмтэн, судлаачдын хамтарсан болон бие даасан 422 эрдэм шинжилгээний өгүүлэл хэвлэгджээ. Тус сэтгүүлд хэвлэгдэн гарсан өгүүллүүд нь улс төрийн шинжлэх ухааны онол, арга зүйн өргөн цар хүрээг хамарсан олон талт академик эрдэм шинжилгээний ажлууд байдаг.

Түүнчлэн улс төр судлаачид, шинжлэх ухааны байгууллагууд, улс төр судлалын чиглэлээр суралцаж буй оюутан, суралцагчдын танин мэдэхүйд зориулан улс төрийн нэр томьёоны тайлбар, эрдэмтдийн намтар зэргийг цувралаар хүргэж ирсэн.

Print ISSN 2227-6904

Online ISSN 3005-334X

Политологи эрдэм шинжилгээний сэтгүүлд өгүүлэл хүлээн авах эцсийн хугацаа 2025 оны 01 дүгээр сарын 10-ны өдөр

Өгүүлэл хүлээн авах:

1. Suvdaa.e@num.edu.mn хаяг руу илгээх 2. https://journal.num.edu.mn/ холбоосоор нэвтрэн орж Политологи сэтгүүлийн 'make a submission' хэсгээр тус тус илгээсэн байна

Политологи эрдэм шинжилгээний сэтгүүлд өгүүллээ илгээх судлаачид эрдэм шинжилгээний өгүүллийн зохиогчдод зориулсан үлгэрчилсэн зааварт дурдсан шаардлагыг хангасан байна. Үлгэрчилсэн заавартай дараах холбоосоор орж танилцана уу: https://www.num.edu.mn/filesnum/juram/